MESSI MARADONA BAINO KONPLETUAGOA

Egun modan dagoen eztabaida da.
Leonelek itzelezko denboraldia darama, batez ere azken hilabete honetan...dena egiten du ondo argentinarrak: golak eman, sartu, faltak bota, ez da bat ere harroputza... Maradona baino hobeagoa, nabarmen, futbol aldetik zein izaera aldetik.
Barçako jokalariak, gainera, 22 urte baino ez ditu. Ostera, gainditu gabeko gaia du oraindik izar gazte honek: Munduko Kopa eta hain zuzen ere bere selekzioan, bere herrialdean errendimendua dexente jaisten da normalean; eta herkideek hori leporatzen diote...nahiko harrigarria, Europatik ikusita behintzat.
Badu erronka garrantzitsua beraz izar txiki honek: bere hirugarren Championsa Bernabeun betiko arerioaren etxean, Liga eta... akaso zailena eta gehien gustatuko litzaiokeena bere aberrian heroia ere bihurtzeko: Sudafrikako Mundu Kopa hurrengo ekainean. Selekzio kideak ez dira Barçakoak, horixe, zail izango du helburu hau Leonelek.

ESKIA GUZTION KIROLA

Asteburuak, ihauteriak eta Aste Santua ditu elurzaleak une egokiak urte osoan zokoratuta egon den tresneriari (botak, eskiak, berariazko janzkera) hautsak astindu eta eski-estazioak "okupatzera" joateko. Nolanahi ere, gozatzeko aukerak ez dautza eskitegietan soilik: giroturiko igerilekuak, bizikleta edo lerak alokatzea, irristategiak, diskoteka, zentro termalak, zinema..

Nolanahi ere, gozatzeko aukerak ez dautza eskitegietan soilik: giroturiko igerilekuak, bizikleta edo lerak alokatzea, irristategiak, diskoteka, zentro termalak, zinema... Bide guztietatik saiatzen dira estazioak zaletua erakartzen eta, areago, ilunabarrean, elur-orduak amaitutakoan, gustuko atsedenaldia izan dezan. Bakarrik, familian edo lagunartean joanik ere, ongi pasatzeko aukerak amaigabeak dira. Estatu espainiarreko estazioek 2009 urtean, batik bat eski alpinoan aritzera bilduriko bost milioi bisitariri zabaldu zizkieten ateak. Espainiak 28 estazio eta balizaz hornituriko 709 pista ditu eskaintzan, denera 767 kilometroko ibilbidea osatuz. Iraupen-eskia nahiago duenak, berriz, 15 estazio konbentzionaletan eta beste 17 berariazkotan aurkituko du non ibilia, guztira balizaz adieraziriko 450 kilometroko bidea egiteko daudela; hauek, zapaldu gabeko elurretan barrena doazenak baino seguruagoak dira eskarmentu handia ez duen eskiatzailearentzat.

Andorrak (5 estazio) eta Frantziak (300 baino gehiago) eskaintza zabala osatzen dute Pirinioez beste aldean eta ohiko helmuga dira dagoeneko elurzaleentzat. Teleaulkia, teleskia edo telekabina har dezake zaletuak gora igotzeko modu errazean. Txosten honetan agertzen diren 40 eski-estazioetako eguneko forfaiten prezioak Leitariegosen (Leon) ordaintzen diren 20 eurotatik Baqueira-Bereteko 40 eurotaraino doaz. Egun batzuetako bidaia, forfait eta lojamendua jasotzen dituzten "bildumak" eskaini ohi dituzte bidai agentziek.

Prezioak nonahi garesti diren arren (eskia ez baita ekonomia apalekoek goza dezaketen kirola), urte-sasoi eta lojamendu-motaren arabera alde handiak daude, toki batetik bestera. Laguneko hogei bat mila pezeta ordaindurik, paskoa astea eman dezakezu, garraioaren, alojamenduaren eta igogailu mekanikoen kostua barne. Tresneria, janzkera eta osagarriak ere jaso behar dira kontutan, patrika estutzeko unean. Baina ekiporik hoberena ez dago osorik aseguru on bat gabe: eskia, osasunarentzat kirol mesedegarri izan arren, istripu-iturri da maiz. Neguko Kirolen Espainiako Federazioko (FEDI) Txartelak urtean 50 euro balio du eta, horren truk, istripurik gertatzekotan, mundu osoan estaldura eta gerorako asistentzia ere eskaintzen dio erabiltzaileari, jarraipena eman behar izanez gero. Egun bakar bat edo gehiagotarako asegurua ere egin dezake inoiz edo behin doan eskiatzaileak: 5 eurotatik 25 bitarte dabiltza horien prezioak, iraupen eta herrialdeen arabera. Beste alde batetik, eskian estrainekoz hasteko garaian merezi du profesionalek ematen dituzten klaseetan matrikulatzea; baina jardunari ere bere teknika hobetzeko ez zaio gaizki etorriko, tarteka edo sasoiaren hastapenetan, eskolaren bat hartzea.

Autodeterminazio eskubide librea

Autodeterminazio eskubidearen aurkako militanteei zuzenduta batez ere... duela gutxi Europako erdiadean, eskubide honen indarrean jartzearen adibide demokratiko, baketsu zein legala bizi ahal izan dugu, inolako gerra zibilik edota abertzaletasun fratizidarik gabe.


Penagarria da, benetan, ikuspuntu demokratiko zehatz batetik bada ere, Javier Solana ospetsuari eskubide hau aplikagarria izan ahal izana egungo Europar Batasunean 'delirium tremens' zela entzutea.

Estatu espainiarreko hainbat politiko eta kazetariren aurrean, autodeterminazioaren aldarrikapena erridikulotzat jotzen zituztenak, euskal, kataluniarren, kurdo, txetxeniar, korso edo edonongo nazionalisten amets ero eta utopikoak -eta hortan dihardute-, Montenegro herriak aintzineko eta oinarrizko eskubide honen balioa guztion bistan jarri digu. Eta, jaun andreok, eskubide hau edozein herriri dagokio - hala erabakitzen badu - ez bakarrik koloni-ohiak izan zirenei.
Egin beharreko galdera zera da: zergatik ez?


Hasteko, EBak berak baldintza gogor gogorrak ezarri zituen Montenegroko erreferendumaren aldeko emaitza onartzeko, hots, botuen %55a, juridikoki zailki defenditzen dena. EBak berberak bere unean Slobodan Milosevic presidente faszistaren tirania gainditzeko lagundu zuen Montenegroko alderatzea... koherentzi falta galanta.

Hala eta guztiz ere, Europar Batasunak Yugoslaviako errepublika ezberdinen autodeterminazio eskubidea onartu egin zuela azkenik, 1991ko Konstituzioan xedatutakoan oinarrituta. Beraz, ezin izango luke horrez geroztik erizpide hau aldatu eta bere momentuan independentzia bereganatu ez zuen bakarrak nola edo hala eskubide hori mantenduko zuen geroan, bere biztanleriko gehiengo kualifikatu batek hala erabakiko balu. Ba horrela izan zen.

Zenbait Estatuko politikarik, aipatutako Solana, besteak beste, Europar Batasunaren barruan autodeterminazio eskubidea indarrean egon ahal izana ukatzen dute, lotsarik gabe. Javier maitea... zeren arabera Alemania batu egin zen Berlingo harresia jausi zenenan? bai, jauna autodeterminazio eskubidea...eta nork esan zuen ezer horren aurka orduan?

Argi dagoena da, era berean, Europar Batasunean ez dela inolako araudirik eskubide honen aplikazioa debekatzen duenik, edota Estatu kide den batek aukera hori zabaltzea eragozten duenik.

Inor ez da konparatzen ari Montenegro Euskadi, Catalunya, Irlanda, Québec edo Kosovo herrialdeekin. Bakoitzak berezko oin ezaugarriak ditu, horixe.

Edonolaz ere, aipatutako edozein herrialde berez kolektibitatea dela - lurralde zehaztua, kultura, hizkuntza, historia eta nortasun propioa dutenak - herria edo komunitatea deituak izan ahal izateko beharrezko osagai guztiekin...hau da, berez erabakitzeko eskubide guztien subjektu aktiboak, beren Legebiltzarrek zehazten duten gehiengo legalekin. Herrialde bakoitzak erabaki dezala beretzat nahi duen giza-politiko antolakuntza: autonomia estatu baten barruan, estatua berez, estatu baten baten barruko federazioa...

Herriaren borondatea errespetatu, besterik ez, aurreritzi edota taburik gabe. Benetazko demokrazia, atzo, gaur eta bihar... demos cratos.

Bertso finalaren atarian

Bi aste baino ez dira falta txapelketa nagusiko final handirako BECen.
Ikusmina hain da handia ezen jada sarrera eskas batzuk baino ez direla geratzen eta apur horiek domeka honetan salduko dira Anoetako azken finalerdian.
Finalista batzuk jada erabakita daude. Faboritoak, espero zirenak: Amets Arzallus- oso forma onean iparraldekoa- Maia eta, horixe, egungo txapelduna den Egaña.
Iruñeako saioan Iturriagak aurretik galduta zeukan tartea errekuperatu zuen jenio biziz; bestaldetik, siuraski kanpoan geldituko dena Bizkaiko txapelduna izango da.
Nesken artean Miren Amuriza bikain ibili da txapelketa osoan zehar eta sorpresarik ez bada finalean ikusiko dugu, Maddalen Lujanbiorekin batera.
Ahal baduzue, joan Donostira edota Barakaldora.

Bestelan, hitzetik hortzera.

Nadalen bilakaera irregularra

Kostata doa Manacorreko gaztea lehen zuen tenis boteretsua errekuperatzeko lehian.
Master honetan erakutsi du Rafak bere gainetik, pista azkarretan behintzat,hiruzpalau tenislari dituela: Federer, Djokovic, Davydenko eta besteren bat.
Denbora eman beharko zaio, oso gaztea baita eta argi erakutsi du jada edonor irabazteko gai dela, baldin eta baldintza onetan aurkitzen bada.
Ziuraski torneo kopurua gutxitu behar izango du, berriro lesionatu nahi ezean horixe.
Eta zalegoa bitartean, lasai egon dadila. Nadal bikaina bueltatuko da, agian ez da munduko lehen tenista izango berriro, edo igual bai... batek daki; oso gaztea eta azkarra da pistan. Edonolan ere partida eta garaipen bikainak eskainiko ditu laster batean.

Rammstein edo ikuskizunaren indarra

Boteretsua eta itzela izan zen pasa den asteburuan alemaniarrek eskaini ziguten kontzertua Barakaldoko BECen.
Jendez gainezka egon zen aretoa, alemaniar kolonia ugari presente eta watio, kañoi, su, ohiko janzkera gotiko-apokaliptikoak (Mad max gerrilleroen antza)eta indarra eskenatokian soberan...
Nahiz eta publikoarekin asko ez hitz egin (euskara eta gaztelaniaz, juxtu) publikoa berehala errenditu egin zen. Organo-jolearen eromenak kontzertu osoan zinta gainean ibiliz eta une batez jende gainetik nabigatzeak errez poltsikoratu zuen entzulegoa.
Danetarik publiko artean, egia esan.
Bis bakarra baina denok pozik. Ia hit guztiak entzuteko aukera egon zen: mutter, ich wilt, etab.
Egun, kalitatezko heavy talde berezi berezia dugu talde alemaniarra.
9.000 ikusle inguru biltzea gaur egun ez da nolanahiko gauza, eta 50 euro ordaindu behar baldin bada, are gutxiago. Baina Municheko talde honek Europako hegoaldean zein iparraldean edota Asian jarraitzaile sutsuak ditu... milaka.

Zenbait Kritikok nazi itxura, janzkera eta biolentzi ikurrak nabarmen erabiltzen dituztela leporatzen diete babaroei baina, egia esan, ez du funtsa askorik indarra eta zenbait militar soinu nazien basakeriekin nahastea... beti egon dira eta egongo dira edonon zentsura-zaleak eta tozinoa azkartasunarekin konfunditzen dutenak.

Esan bezala, germaniarrek ez dute askorik hitz egiten publikoarekin... horretarako hotzak dira. Aitzitik, eskenatokioan ezin sutsuago. Teklista eroak, Magnus Koeller, kontzertu erdian eskenatokia utzi egin zuen une batez eta kanoa txiki batean jende artean 'murgildu' zen, euskal jende artean, Alemaniako bandera ontzi-aurrean jarrita (batzuk, erratuta, espainiarra zelakoan gorria eta horia bakarrik ikusita txistuka hasi ziren).
Marinel berritsua sano ailegatu zen azkenean portura... errenditutako zalegoaren zoramenerako.

Azkeneko birrak eta nahi baino azkarrago kontzertua amaitu zitzaigun. Giro nahasia, arraroa, tribu ezberdinetako kideak musikak baturik.

Gaupasa jarraitu zute askok Barakaldoko pubetan...
Achtung!!

Kulturgune 2.0

Zinemara joateko erabakia hartzen baduzue, bizpahiru aukera onak dituzue; nik kasu honetan, Tarantinoren 'Malditos bastardos' aipatuko nuke lehenik eta Darinen 'El secreto de sus ojos'. Bata histrioniko hutsa, baina historio entretenigarria eta oso ondo interpretatua, nazi ehistari baten gorabeherak isladatzen dituena.
Bestea amaitugabeko hilketa eta amodio istorio baten historia. Xamurra batzutan, gogorra bestetan, baina hunkigarria pelikula osoan zehar... oso gomendagarria.
Liburuei dagokienez, aste honetan Joxerra Garziaren (EHUko irakaslea) 'Hizlari jendaurrean' eta Jon Maiaren (bertsolaria) 'Riomundo' dira nire gomendioak. Eritzien artean, ahal baduzue El Paiseko Enric Gonzalezen arikulu zein kolumnak oso interesgarriak iruditzen zaizkit; ea zer deritzozuen gomendio honi. Laster arte.